October 23, 2025
by Edicioni i pestë i GrowthTank do të mbahet më 7-8 Nëntor në Prishtinë, ku pjesëmarrësit do të kenë mundësinë të mësojnë nga ekspertët më të njohur në teknologji dhe inovacion.
Një nga folësit kryesorë do të jetë Neil Redding, një Near Futurist dhe Innovation Architect me mbi 30 vjet përvojë në ndihmën e markave globale si Apple, Nike, Visa dhe Verizon për të shfrytëzuar teknologjitë emergjente dhe për të nxitur transformimin e qëndrueshëm të biznesit.
Redding është një folës i kërkuar ndërkombëtarisht dhe ka marrë pjesë si keynote speaker në evente të mëdha si SXSW, Dubai Future Forum dhe Universo TOTVS, duke punuar me kompani si Meta dhe Microsoft.
Ai prezanton sesi AI dhe teknologjitë e realitetit hapësinor mund të transformojnë mënyrën e ndërveprimit me mjediset fizike, digjitale dhe natyrore, duke gjeneruar vlerë konkrete për bizneset dhe marrëdhëniet ndërpersonale.
Përmes konsultancës së tij Redding Futures, Neil ka ndihmuar markat e klasit botëror të zbulojnë mundësi të reja, duke aplikuar dizajn të bazuar në ekosisteme për të arritur rritje të qëndrueshme, reziliencë dhe transformim biznesi.
Tema kryesore e tij në konferencë është: “The Near Future of Leadership: Orchestrating with AI Agents”, ku ai tregon sesi udhëheqësit mund të përdorin agjentë AI për të orkestruar proceset dhe vendimmarrjen në një botë gjithnjë e më digjitale.